தெய்வங்கள் : நவகிரகங்கள் பிரதிஷ்டை : ஸ்ரீராமர்பிரான்
சிறப்பு : கடல்நடுவே
புராணம் : இராமயணம்
தீர்த்தம் : அக்னி தீர்த்தம்
தீர்த்தம் : ராமர் தீர்த்தம்.
ஊர் : தேவிபட்டணம்.
புராணபெயர் : தேவிப்பூர்
பிறபெயர் : தேவிபுரம்
மாவட்டம் : ராமநாதபுரம்.
பிரார்த்தனை
*முன்ஜென்ம பாவங்கள் தீர,பிதுர்கடன் கழிக்க தர்ப்பணம் ஸ்ரார்த்தம் முதலியவை செய்யலாம்.,நவகிரக தோசங்கள் விலக இங்கு வழிபடலாம்.
*இவை தவிர குழந்தை பாக்கியம், ஆயுள்,கல்வி, செல்வம் பெருகவும் இங்கு பிரார்த்தனை செய்யலாம்.
நேர்த்தி கடன்
நவதானியங்கள் படைத்தல், நவகிரக வலம், தானம் செய்தல், தோச பரிகாரம் செய்தல் ஆகியவை இத்தலத்து முக்கிய நேர்த்திகடன்களாகும்.
கோயிலின் சிறப்பம்சம்
நவகிரக மகிமை : (நவ ஒன்பது ; பாஷாணம் கல் )நாம் முற்பிறவியில் செய்த கர்மாவின் பயனாக மனிதர்களாகப் பிறந்து நாம் செய்த பாவ புண்ணியகளின் அடிப்படையில் நம்மை வழிநடத்தி செல்வது நவகிரகங்களேயாகும்.இத் தலத்தில் உள்ள நவகிரகங்களை 9 நவ தானியங்கள் வைத்து இங்குள்ள நவகிரகங்களை வழிபட்டால் வணங்கினால் சகல பலன்களும் கிடைக்கும்.
ஸ்ரீராமனும் இத்தலமும் : வேத சாஸ்திரங்களிலே எந்த ஒரு காரியம் செய்வதற்கும் முன்பாக பிள்ளையார் பூஜை, நவகிரக பூஜை செய்வது வழக்கம். ஸ்ரீ ராமபிரானும் தர்ம நெறி முறைபிறழாமல் உப்பூர் ஸ்தலத்தில் ஸ்ரீ விநாயகரை பூஜித்தபின் இத்தலத்தில் நவகிரகங்களை ஒன்பது பிடி மணல் கலவையால் பிரதிஷ்டை செய்கிறார். அவ்வமயம் கடல் கொந்தளிப்பு ஏற்பட தமது திருக்கரத்தை உயர்ந்த கடல் கொந்தளிப்பு ஏற்பட தமது திருக்கரத்தை உயர்த்த கடல் அமைதி அடைந்ததாக ஐதீகம். இராமர் பிரதிஷ்டை செய்த நவகிரங்கள் நவ
பாஷாணமாக (ஒன்பது கற்களாக) அமைந்து அன்றும் இன்றும் என்றும் பக்தர்களுக்கு அருள் பாலித்து வருகின்றனர்.
தல பெருமைகள் : தலபெருமைகள் *ஆரவாரமில்லாத கடலின் நடுவே நவபாஷாணமாக அமைந்து நவகிரகங்கள் அருள் பாலித்து இதலத்து முக்கிய சிறப்பு
*மூர்த்தி, தலம், கீர்த்தி என்று எல்லாமே ஒன்றிணைந்து பேரின்ப நிலையை அளிக்கும் தலம்தான் நவபாஷாணம் ஆகும்.
*ஸ்ரீ ராமபிரான் தமது கையால் ஒன்பது பிடி மணலால் நவகிரகங்களை பிரதிஷ்டை செய்துள்ள சிறப்பு வாய்ந்த தலம்.
*பிதுர் கடன் செய்பவர்கள் தர்ப்பணம் செய்யலாம்.
*அனைவரும் இங்குள்ள நவகிரகங்களை தொட்டு அவரவர் கைகளாலேயே அபிஷேகம்,அர்ச்சனை செய்வது இத்தலத்தின் பெருமை .
*ஸ்ரீ ராம பிரானுக்கு சனி தோசத்தை நிவர்த்தி செய்த தலம்.
*பார்வதி பரமேஸ்வரனும் ஸ்ரீ இராமபிரானுக்கு ஆசிகள் வழங்கி இத்தலத்திலே சௌந்தர்ய நாயகி சமேத திலகேஸ்வராராக எழுந்தருளியுள்ளார்.
*சேது தலத்தை தரிசித்தாலே முன் கர்ம பாபங்கள் அனைத்தும் விலிகி புண்ணியம் ஏற்படும்
*புராண காலம் தொட்டு கடல் நடுவே 9 கல் சிலைகளாக நவகிரகங்கள் அமைந்த அற்புத காட்சி ஆச்சர்யம் அளிப்பதாக உள்ளது.
தல வரலாறு :
இராவணனால் சீதை சிறை வைக்கப்பட்டதை அறிந்து அவரை மீட்க ஸ்ரீ ராம பிரான் தென் திசை நோக்கி வருகிறார். வேத சாஸ்திரங்களில் எந்த ஒரு காரியம் செய்வதற்கும் முன்பு பிள்ளையார் பூஜை,நவகிரக பூஜை செய்வது வழக்கம்.அதனால் ஸ்ரீ ராமரும் உப்பூர் விநாயகரை பூஜித்த பின்பு இத்தலத்தில் நவகிரகங்களை 9 பிடி மணல் கலவையால் பிரதிஷ்டை செய்கிறார்.அவ்வமயம் கடல் கொந்தளிப்பு ஏற்பட தமது திருக்கரத்தை உயர்த்த கடல் அமைதி அடைந்ததாக ஐதீகம்.ஸ்ரீராமர் பிரதிஷ்டை செய்த நவகிரகங்கள் நவ பாஷாணமாக (ஒன்பது கற்களாக) அமைந்து இன்று அருள் தருகின்றனர்
முக்கிய திருவிழாக்கள்
*பத்து நாள் ஆடிஅம்மாவாசை திருவிழா நாடு முழுவதும் இருந்து 1 லட்சம் பேர் தீர்த்தம் ஆட இத்தலத்தில் கூடுவது வெகு சிறப்பு.
பொது தகவல்கள்முக்கிய ஊர்களிலிருந்து தூரம் : ராமேஸ்வரம் 77 கி.மீ.
ராமநாதபுரம் 15 கி.மீ.
மதுரை 115 கி.மீ.
சிவகங்கை 47 கி.மீ.
தங்கும் வசதி :
குடும்பத்தோடு வரும் பக்தர்கள்ராமேஸ்வரம் அல்லது இராமநாதபுரம் நகர்களில் உள்ள தனியார் லாட்ஜ்களில் தங்கிக் கொண்டு கோயிலுக்கு வந்து தரிசனம் செய்யலாம்.
கட்டணம் ரூ.200 முதல் ரூ.600 வரை.
போக்குவரத்து வசதி : *இந்தியாவின் அனைத்து பாகங்களிலும் இருந்து புனித யாத்திரை மேற்கொள்ளும் யாத்ரீகர்களுக்கு வசதியாக ராமநாதபுரத்திற்கும்,இராமேஸ்வரத்திற்கும் ரயில் போக்குவரத்து வசதி செய்யப்பட்டுள்ளது.
*மதுரைஉள்ளிட்ட பெரும்பாலான மாவட்டத் தலைநகர்களிலிருந்தும் ராமநாதபுரத்திற்கும்,இராமேஸ்வரத்திற்கும் பஸ்வசதி உள்ளது..அங்கிருந்து தேவிபட்டிணத்திற்குபஸ் வசதி உண்டு.
*அருகிலுள்ள விமான நிலைம் மதுரை.
*தை அம்மாவாசை அன்றும் ஆயிரக்கணக்கில் பக்தர்கள் கூடுவர்.
கருத்துகள் இல்லை:
கருத்துரையிடுக