பிரதானம் : உச்சிப் பிள்ளையார்
மூலவர் தாயுமானவர்
அம்பாள் : மட்டுவார்குழலம்மை.
பெருமை : சுயம்பு
சிறப்பு : மலைக்கோயில்
அடிவாரம் : மாணிக்க விநாயகர்
தல மரம் : வில்வ மரம்
தீர்த்தம் : தெப்பக் குளம்
ஊர் : மலைக்கோட்டை.
மாவட்டம் : திருச்சிராப்பள்ளி
பிரார்த்தனை
சுகப்பிரசவம் நடக்க தாயுமானவருக்கு வாழைத்தார் கட்டி (சுகப்பிரசவம்) வழிபடலாம்.விநாயகருக்கு அர்ச்சனை செய்தால் நினைத்த காரியம் நடைபெறுகிறது.
இத்தலத்தில் இறைவனை வழிபட்டால் உடல்நலம், கடன் தீர்தல்ல நோய் நீக்கம், தோற்றப் பொலிவு, மனத்தூய்மை, ஐயம் நீங்குதல், ஆயுள் நீட்சி, நன்மக்கட்பேறு, பரமுக்தி, இனிய குரல், பயிர்வளம், எமபய நீக்கம், இனிய போகங்கள், திருமகள் காட்சி பொறுமை முதலிய நற்பேறுகளை அடையலாம்.
நேர்த்தி கடன்
வாழைத்தார் வாங்கி கட்டுதல் இத்தலத்தில் முக்கிய நேர்த்திகடனாக உள்ளது.சுவாமி அம்பாள் ஆகியோருக்கு வேஷ்டி சேலை படைத்தல், அன்னதானம் செய்தல், தவிர வழக்கமான அபிசேக ஆராதனைகள் ஆகியவற்றை இத்தலத்துக்கு வரும் பக்தர்கள் நேர்த்திகடன்களாக செய்கின்றனர்.
கோயிலின் சிறப்பம்சம்
*குடைவரைக்கோயில்
மலைப்பாறையாகத் தோற்றமளிக்கும் இத்தலத்தில் மலையை குடைந்து கீழ் நிலையில் குடைவரைக்கோயிலும் மலையைக் குடைந்து கீழ் நிலையில் குடைவரைக்கோயிலும் மேல்நிலையில் ஒரு குடைவரைக் கோயிலும் பழம்பெருமையுடன் அமைக்கப்பெற்றுள்ளன.அவைகளில் காணப் பெறும் கல்லெழுத்துக்கள், தமிழக வரலாற்றிற்கு உதவுகின்றன.
*மூன்று நிலைகள் அம்சம்
மலை மூன்று உச்சிகள் கொண்டது.தாயுமானவர் திருக்கோயில், மட்டுவார் குழலம்மை திருக்கோயில், உச்சி விநாயகர் திருக்கோயில் என்ற 3 மலையுச்சிகளைக் கொண்டதால் முத்தலைமலை என்று பெயர் பெற்றது.
*சுவாமியின் வேறு சில திருப்பெயர்கள் திருமலைக் கொழுந்து நாதர், செவ்வந்தி நாதர், திருமலைப்பெருமான் அடிகள்
*தலவிநாயகர் : செவ்வந்திவிநாயகர்
*தலமுருகன் : வள்ளி தேவசேனா சமேத முருகப்பெருமான்
*திருச்சியின் புராணப்பெயர்கள்: திருச்சீர புரம், சிராப் பள்ளி
*தலச்சிறப்பு : தேவாரப்பாடல் பெற்றதலம்
தவிர மாணிக்க வாசகர், அருணகிரி நாதர், தாயுமான அடிகள் எல்லப்ப நாவலர் மற்றும் பலர் பாராட்டி பாடியுள்ளனர்.
*தல குரு : ஸ்ரீ மௌன குரு சுவாமிகள்
*தல அடியார் : ஸ்ரீ தாயுமான அடிகள்
தலபெருமைகள் *273 அடி உயரத்தில் 417 படிகட்டுகள் கொண்டதாக கோயில் உள்ளது.
*ஒவ்வொரு ஆண்டும் பங்குனி மாதம் 23,24,25 தேதிகளில் ஈசன் திருமேனி மீது சூரிய கதிர்கள் நேரடியாக விழும்.இந்த சூரியனே வந்து பூஜை செய்வது மிகவும் ஆச்சர்யமளிக்க கூடியதாக உள்ளது.
*தாயுமானவர் மலைக் கோயில் ஆன்மீக நிலையில் தென்கயிலாயம் எனும் சிறப்பு பெற்து.
*மலைப்பாதையின் மேற்பகுதி கருங்கல் கூறையால்வேயப்பட்டுள்ளது.
*கட்டிடக் கலைத் துறையில், பல்வேறு காலங்களில் வளர்ந்த கட்டிடக் கலைப் பாணிகளையுடையது.
*குகைக்கோயில் பல்லவர் காலத்தில் கட்டப்பட்டது.
தல வரலாறு :உச்சிப்பிள்ளையார் : விபீஷ்ணன் இராமரிடம் பெற்று வந்த அரங்கநாதர் விக்ரகத்தை விநாயகரிடம் அந்தண சிறுவன் வடிவிலிருந்த விநாயகரிடம் கொடுத்ததும் அதை அவர் பூமியில் வைத்து விட்டு மலை உச்சிக்கு ஓடி வந்து உட்கார்ந்து கொண்டாராம். சிறிது இளைப்பாறிய பின்பு திரும்பிய விபீஷ்ணன் விக்ரகத்தை எடுத்துப் பார்த்து முடியாமற் போகவே கோபம் கொண்டு சிறுவனை தேடிப் பார்த்தும் கிடைக்காமற்போகவே விநாயகர் தலையில் ஓங்கி குட்டியதாகவும், அரங்கநாதன் திருவரங்கத்திலேயே தங்கி விட்டதாகவும் ஒரு கதை உண்டு.உச்சி விநாயகரின் தலையில் குட்டு விழுந்ததற்கான பள்ளம் இன்றும் உள்ளது வியப்புக்குரியது.
முக்கிய திருவிழாக்கள்சித்திரை தேர்த்திருவிழா 15 நாட்கள்
பங்குனி தெப்பத்திருவிழா 12 நாட்கள்
வைகாசி மலைமேல் வசந்த விழா
புரட்டாசி நவராத்திரி விழா
ஐப்பசி கந்த சஷ்டி விழா
விநாயகர் சதுர்த்தி 13நாள் திருவிழா
ஆடிப்பூரம் 8 நாள்
சமீபகாலமாக பௌர்ணமி கிரிவலம் விமரிசையாக நடைபெறுகிறது.
*பௌர்ணமி, அம்மாவாசை, பிரதோச நாட்களில் கோயிலில் பக்தர்களின் வருகை பெருமளவில் இருப்பது சிறப்பு
*தமிழ், ஆங்கில வருடபிறப்பு,தீபாவளி, பொங்கல் ஆகிய விசேச நாட்களில் சுவாமிக்கு சிறப்பு அபிசேக ஆராதனைகள் நடைபெறும் போது ஆயிரக்கணக்கான பக்தர்கள் கலந்து கொள்வர்
*கிரிவலம்: இப்போது மாதந்தோறும் பௌர்ணமி அன்று கிரிவலத்தின்போது லட்சக்கணக்கானவர்கள் கலந்து கொள்கின்றனர்
பொது தகவல்கள்
*முக்கிய ஊர்களிலிருந்து தூரம் : திருச்சி நகரின் மையப் பகுதியில் கோயில் உள்ளது.
கட்டணம் : ரூ.200 முதல் 2000 வரை
*போக்குவரத்து வசதி : *தமிழகத்தின் மிக முக்கிய நகர் திருச்சி என்பதால் போக்குவரத்துவசதி எளிது.திருச்சி நகரின் மையப் பகுதியில் கோயில் இருப்பதால்மிக எளிதாக கோயிலை சென்றடையலாம்.
*அருகிலுள்ள ரயில் நிலையம் திருச்சி.
*அருகிலுள்ள விமான நிலையம் திருச்சி.
கருத்துகள் இல்லை:
கருத்துரையிடுக