சுவாமி : கருப்பண்ணசுவாமி பிறபெயர் : பட்டமரத்தான்
பெருமை : சுயம்பு
அம்மன் : செல்லாண்டியம்மன்
விசேசம் : சீட்டுஎழுதல்
தலமரம் : நாவல் மரம்
சிறப்புமரம் : வேம்புமரம்
கோயிலின் சிறப்பம்சம்
சீட்டு எழுதிப் போடுதல் : இக் கோயிலுக்கு வரும் பக்தர்கள் தங்களது தொழில் வியாபாரம் சம்பந்தமாக தங்களுக்கு ஏற்படும் கஷ்ட நஷ்டங்களையும் தங்கள் குடும்பங்களுக்கு குழந்தை வரம் கேட்டும் மனு எழுதி அதாவது ஒருவருக்கு நாம் மனு எழுதினால் எப்படி எழுதுவோமோ அது போல எழுதி சன்னதியில் வைத்து பூஜை செய்து கோயிலில் உள்ள பட்ட மரத்தில் கட்டிவிட்டு செல்கின்றனர்.சுவாமியோடு நேரடியாக கஷ்டங்கள் பற்றியும் அதனை தீர்த்து வைக்குமாறு பேசுவதும் மிகவும் சிறப்பு வாய்ந்த ஒன்றாகும்.
கருப்பணசுவாமியின் பிறபெயர்கள் : நாவலடியான் , ஜட்ஜ் துரை, கூனன்
தல பெருமைகள் : *2000 வருடம் பழமையான கோயில் இது என்கிறார்கள்.
*நாவலடியான் என்கின்ற கருப்பண்ண சுவாமி சுயம்புவாக தோன்றி யுள்ளது இங்கு சிறப்பு.
*சுயம்பு மூர்த்தி இங்கு குழிக்குள் உள்ளது என்பது குறிப்பிடத்தக்கது.
*சுயம்புவுக்கு பின்புறம் பட்டுப்போன பழங்கால நாவல் மரம் இன்னமும் உள்ளது
*செங்குட்டுவன் கள வேள்வி செய்த இடம் இத்தலம்
*இங்குள்ள செல்லாண்டியம்மன் சன்னதி மிகவும் சிறப்பு வாய்ந்தது. இக்கோயிலில் நாள்தோறும் அசைவ பூஜைகள் மட்டுமே செய்யப்படுகின்றன.
தல வரலாறு :சிவசக்தி வடிவமாகிய இறைவனே காவல் தெய்வமாகிய கருப்பண்ண சுவாமியாக இங்கு உள்ளான். மோகனூரில் இன்றும் உப்பிலியப்பன் திட்டு என்று அழைக்கப்பட்டு வரும் இடத்தை அரண்மனையாக கொண்டு மோகூர் பழையன் எனும் மன்னன் அன்றைய மோகனூரை ஆண்டு வந்த போது அவன் எடுக்கும் ஒவ்வொரு முடிவும் இந்த நாவலடியானை தரிசித்து எடுத்து வந்தான்.இந்த பழையன் சுயம்புக்கு தெற்கே உள்ள வேம்புமரத்தை காவல் மரமாக அறிவித்து தரிசித்து வந்தான்.இந்த நாவல் மரம் செங்குட்டுவ மன்னன் படையெடுப்புக்குப்பின் பட்டுப்போய் அதன் சுவடு மட்டும் தற்போது உள்ளது.சுவாமி பட்டுப்போன நாவல் மரத்துக்கு அடியில் இருந்ததால் பட்டமரத்தையன் என்றும் அருகில் இருந்த நாவல் மரத்து நிழலில் இருந்ததால் நாவலடியான் என்றும் பெயர் பெற்றார்.
முக்கிய திருவிழாக்கள்
*மாரியம்மன் திருவிழா 15 நாள் திருவிழா பங்குனி மாதம் லட்சக்கணக்கான அதிகமான பக்தர்கள் கோயிலில் கூடுவர்.
*காளியம்மன் திருவிழா 8 நாள் சித்திரை மாதம் அன்று ஆயிரக்கணக்கான ஆயிரக்கணக்கான பக்தர்கள் கோயிலில் கூடுவர்.
பொது தகவல்கள்முக்கிய ஊர்களிலிருந்து தூரம் : நாமக்கல் 20 கி.மீ.
ராசிபுரம் 75கி.மீ.
கரூர் 45 கி.மீ.
ஈரோடு 75 கி.மீ.
தங்கும் வசதி :
*குடும்பத்தோடு வரும் பக்தர்கள் நாமக்கல் நகரில் உள்ள தனியார் லாட்ஜ்களில் தங்கிக்கொண்டு அங்கிருந்து மோகனூர் வந்து கோயிலுக்கு வந்து தரிசனம் செய்யலாம்.
கட்டணம் ரூ.200 முதல் ரூ.500 வரை.
போக்குவரத்து வசதி : *நாமக்கல் நகரிலிருந்து மோகனூருக்கு நகர பேருந்து வசதி அடிக்கடி இருப்பதால் மோகனூர் கோயிலுக்கு செல்வது எளிது.
*அருகிலுள்ள ரயில் நிலையம் சேலம்
*அருகிலுள்ள விமான நிலையம் திருச்சி
கருத்துகள் இல்லை:
கருத்துரையிடுக