மூலவர் : நவநீத கிருஷ்ணர்
மாவட்டம் : திருநெல்வேலி
தீர்த்தம் : தாமிரபரணி
ஊர் : மருதுõர்
பிரார்த்தனை
குழந்தை பாக்கியம் வேண்டுபவர்கள் வைகுண்ட ஏகாதசி, கிருஷ்ண ஜெயந்தி, புரட்டாசி சனிக்கிழமைகள் மற்றும் கிருஷ்ணருக்குரிய விசேஷ நாட்களில் இத்தலத்திற்கு வந்து தாமிரபரணி ஆற்றில் நீராடி விட்டு கிருஷ்ணரை தரிசித்து, பால்பாயாசம், வெண்ணெய் நைவேத்தியம் செய்து வழிபட்டால், கிருஷ்ணர் தன்னைப்போலவே ஒரு அழகான குழந்தை பிறக்க வரமளித்திடுவார் என்பது ஐதீகம்.
நேர்த்தி கடன்
குறிப்பாக வைகுண்ட ஏகாதசி விரதமிருந்து மருதுõர் கிருஷ்ணரை தரிசித்தால் பிறப்பற்ற வாழ்வை அருள்வார்.
கோயிலின் சிறப்பம்சம்
இங்கு மூலவர் நவநீதகிருஷ்ணன் 4 அடி உயரத்தில் சிரித்த முகத்துடன் கேட்டவருக்கு கேட்டவரம் தருபவராக நின்று அருள்பாலிக்கிறார். அருகே இரண்டடி உயரத்தில் ஐம்பொன்னால் ஆன கிருஷ்ணர் இரண்டு வயது பாலகனாக அரை சலங்கையுடன், இருகைகளிலும் வெண்ணெய் ஏந்தி சிறு தொந்தி வயிற்றுடன் அருள் பாலிக்கிறார். எதிரில் நாலடி உயரத்தில் ஐம்பொன்னால் ஆன கருடாழ்வார், பக்தர்களின் குறைதீர்க்கும் கிருஷ்ணன் அழைக்கும் குரலுக்கு ஓடி வர தயாராக நிற்கிறார்.
தல பெருமைகள் : கிருஷ்ணன் குழந்தையாக இருந்த போது, அவனது தாய் மருத மரத்தில் தான் உரலில் கட்டி போட்டார். கிருஷ்ணனோ அந்த உரலை இழுக்க மருத மரம் இரண்டு துண்டாகி, அதிலிருந்த தேவர்கள் முக்தியடைந்தார்கள். மருத மரங்கள் இப்பகுதியில் அதிகம் இருப்பதால் இந்த ஊர் மருதுõர் ஆனது.
மருதுõரில் கிருஷ்ணன் கோயிலைத்தவிர, ஆதி மருதீஸ்வரர் கோயில், வடக்கு வாசல் செல்வி கோயில், சாஸ்தா கோயில் ஆகியவை உள்ளன.
காலை 7 10 மணி வரை, மாலை 58 மணி வரையிலும் கிருஷ்ணரை தரிசனம் செய்யலாம்.
தல வரலாறு :
திருநெல்வேலி தாமிரபரணி நதி புனிதமான கங்கைக்கு நிகரானது. இந்நதியின் கரையிலுள்ளது மருதுõர் கிராமம். இவ்வூர் அணைக்கட்டின் அருகில் பல நுõறு ஆண்டுகளுக்கு முன் நிர்மாணிக்கப்பட்டது நவநீத கிருஷ்ணன் கோயில்.
ஒரு முறை நாரதரிடம் எமன், ""பூலோகத்தில் ருக்மாங்கதன் என்பவனின் நாட்டில் எட்டு வயதிற்கு மேற்பட்டவர்கள் அனைவரும் ஏகாதசி விரதம் இருக்கவேண்டும் என உத்தரவிடப்பட்டுள்ளது. அனைவரும் வைகுண்டத்திற்கு சென்று விடுகின்றனர். எனவே அந்த நாட்டில் எனக்கு வேலை இல்லாமல் போய் விட்டது,'' என வருத்தத்துடன் கூறினார். பிரம்மனும் அவர்களுடன் சேர்ந்து மோகினி என்ற பெண்ணைப்படைத்து ருக்மாங்கதன் என்ற மன்னனை மயக்கி அவனை விரதம் இருக்காமல் செய்து விட்டால் அவனும் அவனது மக்களும் எமலோகம் வருவார்கள் என்று திட்டம் தீட்டினார்கள். இதன் படி மோகினியும் ருக்மாங்கதன் நாட்டிற்கு வந்தாள். மன்னனோ அடிக்கடி வேட்டைக்கு வருபவன். அப்போது அந்த காட்டில் மோகினி வீணை இசைத்துக் கொண்டிருந்தாள். இசையில் மயங்கிய மன்னன் அவளை கந்தர்வ முறைப்படி திருமணம் செய்து கொண்டான்.
இந்த நிலையில் ஏகாதசி திதி வந்தது. அன்று மன்னன் மது, மாமிசம் அனைத்தையும் தவிர்த்து விரதம் இருந்தான். இதைப்பார்த்த மோகினி, ""அரசே! விரதமும் உபவாசமும் மக்களுக்குத்தான். மன்னனுக்கல்ல. இந்த ஒரு முறை மட்டும் ஏகாதசி தினத்தில் என்னோடு சேர்ந்து உணவருந்தினால், அடுத்த ஏகாதசியிலிருந்து நாம் இருவரும் சேர்ந்து விரதம் இருப்போம்,'' என்றாள்.
மோகினியிடம், மன்னனின் மூத்த மனைவி, ""என் கணவரை ஏகாதசி விரதத்திலிருந்து பிறழச்செய்யாதே. அதற்கு பதில் என் உயிரை வேண்டுமானாலும் தருகிறேன்,'' என்றாள்.
அதற்கு மோகினி, ""உன் உயிர் எனக்கு வேண்டாம், உன் மகனின் உயிரை கொடு. நான் மன்னரை ஏகாதசி விரதம் இருக்க அனுமதிக்கிறேன்,'' என்றாள்.
இதற்கு சந்திராவளி சம்மதித்தாள். அரசன் மிகுந்த வருத்தத்துடன் தன் மகனின் தலையை துண்டிக்க வாளை உருவினான். அப்போது மகாவிஷ்ணு அரசனின் முன் தோன்றி அவனை தடுத்தார்.
""ருக்மாங்கதா, ""உனது மன உறுதியை கண்டு மகிழ்ந்தேன். நீ இன்னும் சில காலம் வாழ்ந்து,பின் உன் மனைவியுடன் என்னிடமே வந்து சேர்,'' என்று ஆசீர்வதித்தார். மோகினி தான் வந்த காரியத்தை நிறைவேற்றாவிட்டாலும் நாராயணனின் தரிசனம் கிடைத்த மகிழ்ச்சியில் மறைந்தாள்.
இதை எமதர்மன் கேள்விப்பட்டான். ஏகாதசியின் மகிமையை அறிந்து, இந்த விரதம் இருப்பவர்கள் மரணம் அடைந்த பின் அவர்களை எமலோகத்திற்கு அழைத்து செல்வதை விட்டு விட்டான்.
முக்கிய திருவிழாக்கள்
கிருஷ்ண ஜெயந்தி, புரட்டாசி சனிக்கிழமைகள், வைகுண்ட ஏகாதசி மற்றும் கிருஷ்ணருக்குரிய அனைத்து விழாக்களும் இங்கு சிறப்பாக கொண்டாப்படுகிறது.
பொது தகவல்கள்
மருதுõருக்கு திருநெல்வேலி ஜங்ஷன் மத்திய பஸ் ஸ்டாண்டிலிருந்து (பழைய பஸ் ஸ்டாண்ட்) 12, 12ஏ ஆகிய பஸ்கள் அடிக்கடி செல்கின்றன.
துõத்துக்குடி மாவட்டத்தில் நவதிருப்பதிகள் உள்ளன. இவை அனைத்தும் திருநெல்வேலியை ஒட்டிய பகுதிகளே. ஏகாதசிக்கு நவதிருப்பதி தரிசனத்துக்காக செல்பவர்கள், மருதுõர் நவநீதகிருஷ்ணரையும் தரிசித்து வரலாம்.
கருத்துகள் இல்லை:
கருத்துரையிடுக